Texty piosynek grupy Blaf


Oficjalne strónki www.blaf.cz

Werkowy cug

mp3

"Stanica Czadca, Stanica Czadca medzinárodný osobný vlak do najkrajšieho mesta Bohumína je pripravený k odchodu na kolaji prvej"

Wyjechoł na Mostach osobni z tunela vlak
je w nim piekno pruwodczo na listkach robi cwak
W tym cugu siedzi ale ludzi wielki daw
wiezie wszeckich na szychte do werku pantograf

Ref: |:Werkowy cug, werkowy cug, na ceste kiwie mu tu smrek a tam buk:|

A na siyni chłop marske dusi, a wedla pijóm piwo
starka co z Żyliny jedzie ze strachym se dziwo
Bo w tam tej czwórce wszecy spióm tam grajóm maryjasz
a mało kiery z tych ludzi mo ogolónóm twarz

Ref: |:Cug do werku, cug do werku, Włada robi ślosorza, Palo na sztalwerku:|

Tóm zastawke kaj stojymy Wolato Wiydyń zwióm
teraz uż tam wolne nimo ani stary Dzóń
A w Gródku a w Bystrzicy przilazuje ludzi moc
dzisio majóm odpołednia jutro piyrwszóm noc

Ref: |:Cug do werku, cug do werku, Lojza robi na szrot placu, Karol walcwerku:|

A eszcze we Wyndryni zasyczoł na dwiyrzach roz
na gruszce wesołóm śpiywo piśniczke se kos
A bliżimy se uż do Trzyńca w taszcze z wórsztym chleba
kuminy wysoki widać puszczajóm dym do nieba

Ref: |:Werkowy vlak, werkowy vlak, a uż aby my jechali kolejom naopak:|


Beskidy

mp3

Kiejsi downo jak tu eszcze rzadził głód, od szewca żech cere zwiódł
ul my mieli tak ji prawiym dóm ci miód, twój tata mi sprawi bót
A óna z miasta była jo z dziedziny, swobody żech używoł do zimy
od tej doby nimiywóm dziurawy bót, na gitare gróm bez nut

Chytnył żech se z szwiger tatóm szewcowanio, ona warzynio a pranio
nie bywało zwady narzykanio, syn dostoł na miano Jano
ze starzikym w polu pasie woły, za dwa roki trzeba mu iść już do szkoły
a dziurawy nimo żodyn bót, na gitare gro bez nut

Ref.: W Beskidach sóm starości i radości
tyn je czyrwóny od słónka tyn zaś od złości

Ci sie wadzóm o kyns pola ci o dóm, ty mi eszcze dłóżysz rum
w putyce se żeróm dwo przi stole, kómuś powiedzioł ty wole
jedyn drugimu grejcar zowiści, lepszy starać se o swoje liści
na dwór chybie nóm ciyń jejich stróm, niech w niego uderzi hróm

Ref.

Ucieko to wiosna, lato, jesiyń, zima, tropi nas ryma, angina
ucieko to jesiyń, zima, wiosna, lato, synowi uż mówióm tato
nogi bolóm, wlosy siwe, fusy dłógi, w żywocie żech nimioł nigdzi dłógi
a dziurawy nimóm żodyn bót, na gitare gróm bez nut
na gitare gróm bez nut, na gitare gróm bez nut

Ref.


Dygiusta na śmiergusta

Zaziajoł na całe usta, Dygiusta na śmiergusta
z pod łóżka wycióngnył szpryce, naczerpoł wody w kómpielce
przeciorym po kyns jałowca, szkroboł dłógo se do kopca
pry aż kajsi pod Ostry, nejpiyrwi bechoł z nim siostry
z cymry słychać piskot krzik, kiery obudził aj mame
taki uż to bywo zwyk, że też dostała wyłotane

Ref: Jałowcym chróniónym, a zloł ich wodóm parfómym
śmiergusta je roz do roka, każdo baba mo jak kwoka
mokro być a jak se szkubie, tak z nióm hónym do potoka

A nejpiyrwi góniym sómsiadki, a Bog wiy kiedy przidym spatki
eszcze półke hop na kolo, ulicóm jadym wesoło
wysmyczy mie na wyrch wytah, zadzwóniym bijym po kitach
kupa je bab w Jabłónkowie, z gorzołki se krynci w głowie
somsiadki móm wybechane, eszcze od kolegi mame
nieśmiym szanować jałowca, teraz fofrym do Bukowca

Ref: Jałowiec chrónióny, chłopcóm wajca koróny
mnie nalyjcie tatarczoka, śmiergusta je roz do roka
bo inaczy se zachwile, bydziecie szkrobać z potoka

Z Bukowca uż jadym spatki, a zwyrcym na pełne obratki
każdóm chwile padóm z koła, a nadowóm to je smoła
jedna moja znómo z Piosku, mo przepiekne nogi dłógi
buszym aż wylazła z okna, dyć żeś uż tu je podrugi
nie zbywo niż jechać cestóm, ku chałupie do Jabłónkowa
a naroz jadym przez Piosecznóm a spuszczóm se do Radwanowa

Ref: A jałowiec chrónióny, a przedni rafek ognióny
marnie rzwiym prrr wio heta, galaty mi szarpie keta
z tego płynie ponauczyni, że w piwnicy albo też w siyni
trza zamknyć koło na śmiergusta, |: tak wóm radzi Dygiusta:|


Kolynda

mp3

Ze dwa tydnie przed wilijóm móndrzi prawióm śniyg nie bydzie
kdo nimo sónki a skije tyn se tymu jyny śmieje
|:Hej hej kolynda nie bydzie śniyg na świynta
nie bydzie śniyg na świynta heja heja ho:|

Ci co se śmioli uż teraz płaczóm bo je wszystko pod pierzinóm
nie zbywo im nic inszigo niż iść do Stania na piwo
|:Hej hej kolynda nankurził śniyg na świynta
nakurził śniyg na świynta heja heja ho:|

Rano wczas mie mama budzi marsz na rynek bo moc ludzi
z bloku wychodzo z kiblami aż tu to czuć je rybami
|:Hej hej kolynda jodómy kapry na świynta
jodómy kapry na świynta heja heja ho:|

U telewize dziecka czuczóm tak skijować se nie nauczóm
Blizard, Marker, szpiczki, piynty nie umióm śpiywać kolyndy
|:Hej hej kolynda trza sztróm wypnyć na świynta
trza sztróm wypnyć na świynta heja heja ho:|

Byjmy radzi ze mómy dóma kupa roboty z garcami
z umywaniym a uciyraniym to znaczy że my nie sóm sami
|:Hej hej kolynda samymu źle je na świynta
samymu źle je na świynta heja heja ho:|

Bo Jurek jezdzi z popielnicóm po rynku a je szpinawy
kupi jabczok z ryblizlokym wlezie w swój kwartyr smradlawy
|:Hej hej kolynda ożere se na świynta
ożere se na świynta heja heja ho:|

Na przegnitych madraczyskach śniło se mu o Betlemku
przikrył se starym kabotym strómek świyci mu na rynku
|:Hej hej kolynda aj tak wyglóndajóm świynta
aj tak wyglóndajóm świynta heja heja ho:|


Evropa

mp3

Granice my przekroczyli w moment jak Niymcy wygrali
nad Argentynóm w Italii jedna nula
Przed Barutym po północy my zalegli u dalnice
strach my mieli czy na stopa bydzie broł nas jutro frycek
Frycek był ale szykowny bo nas biehym jednego dnia
zawiózł aż do Karlsruhre kopli my dwa piwa do dna
Na kiere my dzisio cestóm zarobili asi tym
że my dycki przi dziynkowaniu rozdowali placki z Havlym

Ref: Deutschland, Deutschland, French, Italia,
Asterreich, Asterreich, Czechoslowakia

Auslagi, horski bicykle a barewne tramwaje
zelenina jak z umielej hmoty taki zapad je
hadry, magicze, kompakty, kazetowe paski
aż my omylym wkroczyli do uliczki láski
cygaretle w namalowanych wargach, sagi popiersi
swudne pohledy toch czumioł, dyć żech tam był po pierszi
rozcióngnióne nożiska a w duszi sóm uż zmatki
na kóńcu uliczki prawiym Janek idymy spatki

Ref:

Tirakym my przejechali przez granice z Francyjóm
Myrhaus, Bertford Francuzi wino pijóm
Jyny że na autostopa sóm najgorsi w Ewropie
z takóm nas do Lyonu isto żodyn nie dokopie
U motorestu my odpołednia do wieczora mawali
Ameryczanie na bruslach koleczkowych tańcowali
a lambade a mieć tam ruskóm garmoszke mój tata
Widzieli byście najlepszy wideoklip świata

Ref.

Z refrenu my wypuścili popiewek o Italii
spatki ku nimiecki granicy my śmiało wykroczyli
Słodki trześnie kukurudza pszynica jak ze złota
no ganc jak we filmu "Kam se poděla sedmá rota"
Rano my otrzepali od ślimókow spacaki
a na pleca nachynyli swoji ciynżki ruksaki
Rozpolóny słónkym asfalt zmordowane ciało
nóm pieszo ku Bazylei jyny iść zbywało

Ref.

Dobrzi ludzie sóm na świecie z biydy nas wyrwali
a Szwycarzi Szwycarzi aj liter wina dali
W Rorachu my zapadli do utulnej knajpy
szmakowało tak my ich isto ze siedym pajtli
Ryn je szyroki a pyniyz było mało
kolem szwycarski granicy hónym to jechało
Kraina jak z omalowanki Bodeński jezioro
trajekt Konstans Mesburg no je to morze skoro

Ref.

Czuli my se ganc jako ta "Alenka v říši divů"
ty światełka noczni żywot też my hołdowali piwu
Na głowie kłobuk Australija twarzimy se jak swietacy
przez to my musieli ale wyglóndać dobrzi hlupacy
"Do you speak English, Sprachen Sie Deutsch" pytała se nas serwirka
"little, little" ona na to "wiecie bo ja jestem Polka"
A za chwile u stołu uż siedzioł z nami kuchorz Pavel
trzaskali my kryglami a krziczeli "Ať žije Havel"

Ref.

Mercedesy, Baworaki, Mazdy a Kaczery
po każde na inszym fleku trowimy wieczory
Tym razym se nóm wydarziło w austryjackim Feldkirchu
normalnie my w pierzinach spali w trenirkach a w tilku
U szykownej wdowy my jako na zamku pozwani
pili piwo, gruszkowice a przi tym jodłowali
Bo sprawny czundrak na wandru pry nie zewlecze maskacze
my obrazowka, porno, horor, telewizni owladacze

Ref.

Przez tunely my dojechali Alpami do Insbruku
a tam se przifarzili ku młodym tyrolskim klukóm
"Life is life" no to była opica
przebudzyni pod skokanskim mustkym to je szpica
Olimpijski miasto Insbruk ludzie uż kapke inaczi
uroweń w Nimiecku se mi o połówke wiyncyj páczi
Salzburg je staro klasyka po ulicach graje muzyka
chynył żech im tam jedyn szyling ody mnie wóm to starczy

Linz a Freistadt statystycki listek
Czeski Budějovice směr okres Frydek-Mistek


Izydor

mp3

Izydor Kopecki jak se wrócił z Polski, ztracił z twarze wroski
do wtedy paszowoł, dewizy srzedowoł, miynił za porno obrozki
Jedna wiec mu chybiała, baba co by mu dała

A w polskim Cieszynie na drugim peronie, uzrził wyżranóm kość
nad sebóm rozmyśloł potym se powiedzioł, wekslowanio uż móm dość
towór na glajz wywalił, babym z banhofu zbalił

Izydor Kopecki jak se wrócił z Polski, ztracił z twarze wroski
do wtedy paszowoł, dewizy srzedowoł, miynił za porno obrozki
Jedna wiec mu chybiała, baba co by mu dała

Pochodził z Ropicy w Bukowcu celnicy w rownoszatu zielónym
po słóżbie "U lipy" przi sykotu pipy dostali nowego kolegym
uż paszeraków chyto, staróm w ryfle oblyko


Tuberak

mp3

Hned z kraja po drugi klasie przez feryje w miejskim lesie
eszcze jako smrodzi mali z kurzyniym zaczynali
polygali my za strómki co kurzymy Partyzantki
Tonda bydziesz dzisio stróż jak kdo pujdzie tak wrzeszcz już

Zapolóne mómy wajgle sóm my chłopi bo kurzymy
wdechujymy smród na pajszle duszymy se a krzipiymy
Lipy, Astry, Partyzantki, Maryce i Olympije
Startki, Marski i Palmanki eszcze wiynkszy szef kdo pije

Wiluś modry, jo zielóny, Zbysio skoro fiałowy
nacióngo nas oczy łzawióm każdy je wszak honorowy
nad strómkami wisi kurz Chybidziura wloz do lasa
nie zawrzeszczoł Tonda już nachytoł nas skrz mamlasa

To je dziepro romantyka jak po zadku skocze kryka
mamo tato przisiyngómy że uż kurzić nie bydymy
żodne Detvy, Sparty, Kleje, Betki, Czardy i Astorki
nie chcym iść na stare roki umiyrać do sanatorki


Je wiosna

Je wiosna, je wiosna po zmarzłej zimie
ciepły wiater fuko a maj uż tu je
|:wracajóm se ptoszki wszecko tu śpiywo
a kwiotko se na kwiotko też uśmiywo:|

Je lato, je lato móm horski koło
kopiec wedle kopca mie z wrchu woło
a rynka zaś mi kiwie u dalnice
z Amsterdamu wóm poszlym pohlednice
a rynka zaś mi kiwie u dalnice
w Amsterdamu wybiyróm popielnice

Je jesiyń, je jesiyń cholera rzadzi
w tropickim klimatu mi to nie wadzi
|:bo żech proci ni dostoł inekcyje
pojadym za rachotóm do Indyje:|

Je zima, je zima wszak to znosz tato
że w Australii teraz rzadzi lato
|:używejcie se krasnie tego śniega
a jo zaś odrazim swój surf od brzega:|


Indiani

Jak my byli kiejsi mali chcieli my być kowboi
teraz my nie sóm mali a sóm my co indyjani
Hu Ha Hu Ha bez tomahawku a bez skalpu
Hu Ha Hu Ha nikierzi aj w brylach
Hu Ha Hu Ha tu prziszli a tetowani
Hu Ha Hu Ha a nie umiymy strzylać

Kolem ognia skorzymy a spiywómy se UUU
Manitou se na nas śmieje z miesiónczka
U kulu je prziwiónzany naczelnik staro struktura
w moi kapsie u trenyrek jego wkladnio ksiónżka
Hu Ha Hu Ha jego mustang w moi stai
Hu Ha Hu Ha jego squaw w moim wigwamu
Hu Ha Hu Ha on se teraz strasznie boi
Hu Ha Hu Ha co też beje po ranu

Miesónczek zaszeł za mroki a Manitou usnył
ohniwo woda zebrała za swoje
gdosi na mnie po ranu kibel wody chlusnył
jo u kulu a naczelnika widzim we dwoje
Hu Ha Hu Ha mój mustang je w jego staji
Hu Ha Hu Ha w jego trenyrkach moja ksiónżka
Hu Ha Hu Ha moja squaw mu obiod warzi
Hu Ha Hu Ha nie dożyjym se miesiónczka
Hu Ha Hu Ha UUU
Hu Ha Hu Ha UUU U.


Chlast

Teraz idym po lesie a w rynce dyrżym patyk
we szkole zy mnie bywoł dobry matematyk
nikdy żech ni mioł problemy wyrzeszyć rownice
a teraz przewracóm do Bobra popielnice

4x: chlast wypaluje buńki

W czestinie żech mioł szpatne znamki za dyktaty
a w dóma zaś za nich wypraski od taty
a teraz skłodóm pieśniczki po naszymu
a pytóm se naszych "no powiydzcie mi czymu"

4x: bo ci to w chlastu pali

A tak se sóm siebie pytóm czy mi to z niego pali
A tak se sóm siebie pytóm czy mi to z niego pali
w moi bednie a abych wiedzioł co robić dali
tak musim nad tym wszeckim porozmyślać pomali

naszi twierdzóm że mi haraszi a jo z nimi souhlaszim
bo jak suszy tak bez rozmumu to gaszym

4x: chlast wypaluje buńki


Zdrawotnio

Jak przidzie unawa je tu czorno kawa
|:ni ma do dziecek tu oto napoj tyn
niewadzi czy sóm z miast albo z dziedzin
zwyszuje im tlak a sóm z niego blade
kupcie im czekulade:|

Widzim świat na krziwo pijym ósme piwo
|:ni ma dlo cyklistów a dlo szoferów
bo jeżdzóm rychli a potym robióm buch
a jo przed spanim go nie śmiym wypić moc
przechodzym na zachod noc:|

Uż żech je zaś mimo słodki suche wino
|:wszeckigo moc szkodzi nima nowina
to płaci dwa razy tela u wina
cosi mie nacióngo, głowe móm w rynkach
to isto bydzie kocowina:|

Mało wielko półka zradno je gorzołka
|:pódzmy cwaknyć po jednej na zdrowi
nyrki chycóne wóntroba odchodzi
rynce se klepióm fiałowy nos
dyć żyjymy yny roz:|

Tabaka, bioło ruła, zapałki, filter
|:pajszle piskajóm wykrzipujym hnis
pełno mrmlanców żech napluł do mis
mis podbeskydzi se za mnie stydzi
a Pón Bóg to wszecko widzi


Sarna

Sarna przez ceste mi przebiegła zaś
idym za swojóm miłóm a dóńdym tam aż
se rozświyci miesiónczek a gwiozdy kole niego
jo stopnył wielki wóz a naskoczył do niego

Starziczek za wolantym mo po pas fusy aż
je siwy a włosaty a popekuje hasz
Móm kapke z nim strach jechać
bo my malem do drahy mlecznej naburali ale
to chce kapke odwagi

Stójmy stójmy Stójmy stójmy
to uż je tu pod nami ta chałupa na tym kopcu
miyndzy tymi lasami
spuścił mi na dół lano jo zesloz po nim aż
ganc ku twoimu oknu rożnione było zaś

Siedziała żeś u lampki czytała w anglicztinie
muszym zaklepać wczasi niż wleziesz pod pierzine
je żeś smutno że bejesz zaś dzisio sama spać
ťuky ťuk na okiynko pusa a ... raczy zgaś

Rano mi przez ceste sarna przebiegnie zaś
idym od swoji miłej a dóńdym tam aż
se rozświyci miesiónczek a gwiozdy kole niego
jo stopnym wielki wóz a naskoczym...



Księga gości
Ślónski klub muzyczny
E-mail:
Roman Malczyk


Od kwietnia 1997 wołane tela razy :